ປະກາດ

ວັນທີ 24 ຕຸລາ​ 2024​ ທີ່ຫ້ອງ​ປະຊຸມ​ຊັ້ນ​2​ ສຳນັກງານ​ອະທິການ​ ມະຫາ​ວິທະຍາໄລ​ສຸພານຸວົງ​ ໄດ້ຕ້ອນ​ຮັບແຂກ​ ທ່ານ ນາງ Olesia POKUSAEVA, Expert, ASEAN Centre MGIMO University, the MFA of Russia. ຈຸດປະສົງ​ແມ່ນເພື່ອເຜີຍແຜ່ຂໍ້ມູນກ່ຽວກັບທຶນການສຶກສາ ລະດັບປະລິນຍາໂທ ໃຫ້ກັບພະນັກງານຄູອາຈານ​ ມະຫາວິທະຍາໄລສຸພານຸວົງ​ ເປັນກຽດ​ເຂົ້າຮ່ວມ​ໂດຍ​ ທ່ານ ​ຮສ​ ປອ​ ວົງປະສິດ​ ຈັນທະຄູນ​ ຮອງອະທິການ​ບໍ​ດີ​, ມສ​. ຫົວໜ້າ​ຫ້ອງການ​, ຫົວໜ້າ​ພະແນກ​ເຂົ້າ​ຮ່ວມ ASEAN Centre MGIMO University ເປີດຮັບສະໝັກ: ວັນທີ 1 ມີນາ 2025 ປິດຮັບສະຫມັກ: ວັນທີ 20 ກໍລະກົດ 2025 ສາມາດສະຫມັກຜ່ານ master.mgimo.ru ຖ້າມີຄໍາຖາມສາມາດສອບຖາມໄດ້ +7 495 229-54-35; […]

ວັນທີ 12 ສິງຫາ 2024, ທີ່ສະໂມສອນໃຫຍ່ມະຫາວິທະຍາໄລ​ສຸພານຸວົງ,​ ໄດ້ເປີດກອງປະຊຸມປະຈຳປີ 4 ຫ້ອງການ: ຫ້ອງການບໍລິຫານ-ສັງລວມ, ຫ້ອງການຈັດຕັ້ງ ແລະ ຄຸ້ມຄອງພະນັກງານ, ຫ້ອງການການເງິນ ແລະ ຫ້ອງການພົວພັນຕ່າງປະເທດ ເພື່ອເປັນການສະຫຼຸບວຽກງານທີ່ໄດ້ຈັດຕັ້ງປະຕິບັດໃນໄລຍະ 1 ປີຜ່ານມາ ແລະ ວາງແຜນການໃນປີຕໍ່ໜ້າ.​ ເປັນກຽດ​ເຂົ້າຮ່ວມ​ໂດຍ​ ທ່ານ​ ຮສ​ ວິລະ​ ອາ​ໂນ​ລັກ​ ອະທິ​ການບໍ​ດີ​ ມສ, ຜູ້ບໍລິຫານ​ການສຶກສາ, ພະນັກງານ​ຄູອາຈານ​ທັງ 4 ຫ້ອງການເຂົ້າຮ່ວມຢ່າງເປັນທາງການ

ໃນວັນທີ 19 ມິຖຸນາ 2024 ທີ່ ສະໂມສອນ ມະຫາວິທະຍາໄລສຸພານຸວົງ ໄດ້ມີພິທີປະກາດແຕ່ງຕັ້ງອະທິການບໍດີ ໂດຍການເປັນປະທານຂອງທ່ານ ຮສ. ປອ. ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ; ມີຄະນະນໍາ, ພະນັກງານອາຈານພາຍໃນມະຫາວິທະຍາໄລສຸພານຸວົງ ແລະ ແຂກຮັບເຊີນເຂົ້າຮ່ວມ ໃນພິທີດັ່ງກ່າວ ທ່ານ ນ. ວຽງແກ້ວ ພົມມະວົງ ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານດໍາລັດວ່າດ້ວຍການແຕ່ງຕັ້ງ ອະທິການບໍດີ ມະຫາວິທະຍາໄລສຸພານຸວົງ, ໂດຍແຕ່ງຕັ້ງທ່ານ ຮສ. ປທ. ວິລະ ອາໂນລັກ ຮັກສາການອະທິການບໍດີ ຂຶ້ນເປັນ ອະທິການບໍດີ ມະຫາວິທະຍາໄລສຸພານຸວົງ ຢ່າງເປັນທາງການ ຕາມດຳລັດຂອງນາຍົກລັດຖະມົນຕີ ເລກທີ 296/ນຍ, ລົງວັນທີ 05.06.2024.

ວັນທີ​ 10 ມິຖຸນາ​ 2024​ ທີ່​ສະໂມສອນ​ໃຫຍ່​ ມະຫາ​ວິທະຍາໄລ​ສຸພານຸວົງ​ ໄດ້ຕ້ອນຮັບແຂກ​ມາຈາກ​ ສະຖານທູດ​ອິນເດຍ​ ປະຈຳ​ຢູ່​ ສປປ​ ລາວ​ ໄດ້ມາຢ້ຽມຢາມ​ ມະຫາວິທະຍາໄລສຸພານຸວົງ​ ຈຸດປະສົງ​ເພື່ອ​ເຜີຍແຜ່​ ທຶນ​ການສຶກສາ​ ລະດັບ​ປະລິນຍາໂທ​ ແລະ​ ເອກ.​ ແລະພ້ອມດ້ວຍການຫລີ້ນໂຍຄະໃຫ້ກັບພະນັກງານຄູອາຈານ ແລະ​ ນັກສຶກສາ​ ມະຫາ​ວິທະຍາໄລ​ສຸພານຸວົງ,​ ເປັນກຽດເຂົ້າຮ່ວມໂດຍ​ ທ່ານ​ ທອງຄຳ​ ຮຸ່ງສະຫວາດ​ ຫົວໜ້າ​ຫ້ອງການ​ພົວພັນ​ຕ່າງ​ປະເທດ,​ ມສ.​ ແຂກຈາກສະຖານທູດ,​ ພະນັກງານ​ຄູອາຈານ​ເຂົ້າຮ່ວມ

ໃນຊ່ວງວັນທີ 01-16 ມິຖຸນາ 2024 ນັກສຶກສາ ມະຫາວິທະຍາໄລ ສຸພານຸວົງ ຈໍານວນ 5 ນ້ອງໄດ້ເປັນຕົວແທນເຂົ້າຮ່ວມ AUN Summer Camp 2024 ທີ່ປະເທດບູໄນ ແລະ ປະເທດຟິລິບປິນ ແລະຍັງມີອີກ 9 ນ້ອງ ທີ່ຈະໄດ້ເດີນທາງໄປຮ່ວມຢູ່ ປະເທດໄທ, ປະເທດຫວຽດ, ປະເທດອິນໂດເນເຊຍ ແລະ ປະເທດມາເລເຊຍ. ນອກນີ້, ມະຫາວິທະຍາໄລ ສຸພານຸວົງ ຍັງຈະຂັດເລືອກເພິ່ມເຕີມອີກຈໍານວນ 10 ນ້ອງ. ຖ້າໃຜມີຄວາມສົນໃຈໃຫ້ອ່ານລາຍລະອຽດໃນແຈ້ງການຂ້າງລຸ່ມນີ້ ແລະຕິດຕໍ່ລົງທະບຽນນໍາຄະນະຮັບຜິດຊອບໃນຄະນະວິຊາຂອງຕົນເພື່ອນໍາສົ່ງລາຍຊື່ເຂົ້າສໍາພາດໃນວັນທີ 12 ມິຖຸນາ 2024.

ໃນວັນທີ 11 ມັງກອນ 2024 ທີ່ຜ່ານມາ ມະຫາວິທະຍາໄລ ສຸພານຸວົງ ພ້ອມດ້ວຍຄູ່ຮ່ວມໂຄງການ ອາກ​ຼີແຊັ​ດ (AGRISAT) ໄດ້ຈັດກອງປະຊຸມເຜີຍ​ແຜ່ ​ຜົນ​ຂອງ​ການ​ຈັດ​ຕັ້ງ​ປະ​ຕິ​ບັດຂອງໂຄງການຂຶ້ນ ຢູ່ທີ່​ຫ້ອງ​ປະ​ຊຸມໂຮງແຮມວັງທອງ, ນະຄອນຫຼວງພະບາງ, ໂດຍການໃຫ້ກຽດເປັນປະທານຂອງ ທ່ານ ຮອງສາດສະດາຈານ ປະລິນຍາເອກ ວົງປະສິດ ຈັນທະຄູນ ຮອງອະທິການບໍດີ ມະຫາວິທະຍາໄລສຸພານຸວົງ ທັງເປັນປະທານປະສານງານໂຄງການ. ໂດຍມີຜູ້ເຂົ້າຮ່ວມ 60 ກວ່າທ່ານ ທີ່ມາຈາກບັນດາຄູ່ຮ່ວມໃນປະເທດເອີຣົບ (Belguim, Germany, Poland, Spain, Coatia), ພາກສ່ວນຈາກປະເທດກຳປູເຈຍມີ 3 ມະຫາວິທະຍາໄລ, ແລະ ສປປ ລາວ ມີ 2 ມະຫາວິທະຍາໄລ ພ້ອມດ້ວຍແຂກທີ່ຖືກເຊີນ ຈາກພາກລັດ ແລະ ເອກະຊົນ ລວມທັງນັກສຶກສາຄະນະກະເສດສາດ ແລະ ຊັບພະຍາກອນປ່າໄມ້ເຂົ້າຮ່ວມຢ່າງພ້ອມພຽງ. ໂດຍ​ໂຄງ​ການດັ່ງກ່າວແມ່ນມຸ່ງເນັ້ນກ່ຽວກັບການພັດທະນາຫຼັກສູດນະວັດຕະກຳການກະເສດທັນສະໄໝ ຜ່ານລະບົບຂໍ້ມູນຂ່າວສານທາງພູມສາດ (ການນຳໃຊ້ໂດຣນສຳຫຼວດ) ໃນພາກພື້ນອາຊີ ຕາເວັນອອກສ່ຽງໃຕ້ ສຳລັບສະຖາບັນການສຶກສາຊັ້ນສູງ ໃນ

ວັນທີ 24 ມັງກອນ​ 2024​ ທີສະໂມສອນໃຫຍ່​ ມະຫາວິທະຍາໄລສຸພານຸວົງ​ ໄດ້ມີພິທີເປິດກອງປະຊຸມໃຫຍ່ຮາກຖານກຳມະບານສຳນັກງານອະທິການບໍດີ ເພື່ອເລືອກຕັ້ງເອົາຄະນະບໍລິຫານກຳມະບານຊຸດໃຫມ່, ດັ່ງນັ້ນທາງການພົວພັນຕ່າງປະເທດໄດ້ສົ່ງ​ທ່ານ​ ປະລິດຖາ​ ດວງຈັກ​ ຫົວຫນ້າພະແນກແຜນການແລະຄຸ້ມຄອງໂຄງການ​ ລົງສະມັກເລືອກຕັ້ງເພື່ອຊິງໄຊໃນຄັ້ງນີ້ ຜົນການເລືອກຕັ້ງແມ່ນທ່ານສາມາດຜ່ານສຽງມະຫາຊົນຕິດຫນືງໃນສາມຂອງຄະນະ ເພື່ອເຂົ້າໄປບໍລິຫານຮາກຖານກຳມະບານສຳນັກງານອະທິການບໍດີສຶບຕໍ່ໄປ​ ຂໍຊົມເຊີຍ IRO​ NEWS​ REPORT WWW.IRO-SU.EDU.LA

ວັນທີ 10 ພະຈິກ​ 2023​ ທີສະໂມສອນໃຫຍ່​ ມະຫາວິທະຍາໄລສຸພານຸວົງ​ ໄດ້ຈັດການເຜີຍແຜ່ທຶນການສຶກສາ ລະດັບ​ປລິນຍາຕິ,​ໂທ,​ ເອກ,​ ຂອງກຸ່ມປະເທດເອີຮົບ​ ໂດຍການນຳຂອງທ່ານ ນາງ​ jehanne hirard ປະເທດຝຣັ່ງເສດ ແລະທີມງານ ໄດ້ລົງມາໃຫ້ຂໍ້ມູນ ແລະ​ແນະນຳແນວທາງເພື່ອສະມັກທຶນ ເປັນກຽດເຂົ້າຮ່ວມງານຄັ້ງນີ້ໂດຍ ທ່ານ​ ຮສ.​ປອ.​ ວົງປະສິດ​ ຈັນທະຄູນ ຮອງອະທິການບໍດີ,​ ຜູ້ບໍລິຫານ, ຄະນະອາຈານ, ນັກສຶກສາ​ ແລະແຂກຜູ້ມີກຽດ

ຈຸດປະສົງຂອງບົດບັນທຶກຄວາມເຂົ້າໃຈສະບັບນີ້ ສ້າງຂຶ້ນເພື່ອເປັນບ່ອນອີງໃນການຮ່ວມມືດ້ານວິຊາການທີ່ຕິດພັນກັບວຽກ ການຮຽນ-ການສອນ, ການຍົກລະດັບພະນັກງານ ຄູ-ອາຈານ ແລະ ນັກສຶກສາຂອງສອງສະຖາບັນການສຶກສາ. ບົດບັນທຶກຄວາມເຂົ້າໃຈສະບັບນີ້ແມ່ນນໍາໃຊ້ສະເພາະການຮ່ວມມື 02 ຝ່າຍທີ່ໄດ້ຕົກລົງເປັນເອກະພາບກັນ ດັ່ງນີ້: ທັງສອງສະຖາບັນ ສະໜັບສະໜູນເຊິ່ງກັນ ແລະ ກັນໃນການແລກປ່ຽນຖອດຖອນບົດຮຽນທາງດ້ານວິຊາການ 1-2ຄັ້ງ/ປີ, ພ້ອມທັງ ການສົ່ງເສີມ ແລະ ນໍາສະເໜີຂໍວິທະຍະຖານະຊ່ວຍ ສທຄ; ​ແລກປ່ຽນສື່ການຮຽນ-ການສອນເປັນຕົ້ນແມ່ນ ປຶ້ມຕໍາລາ, ຄູ-ອາຈານສອນໃນບາງວິຊາ, ຝຶກອົບຮົມ ແລະ ວຽກງານຄົ້ນຄວ້າວິທະຍາສາດ; ຮ່ວມກັນຊຸກຍູ້ສົ່ງເສີມການຝຶກງານຕົວຈິງໃນການນໍາໃຊ້ໂປຣແກມຈໍາລອງຕ່າງໆ ເຊັ່ນ: ໂປຣແກມສະມາດແບັງ, ໂປຣແກມບັນຊີວິສາຫະກິດ ແລະ ໂປຣແກມທີ່ກ່ຽວຂ້ອງກັບຫຼັກສູດການຮຽນ-ການສອນໃຫ້ແກ່ນັກສຶກສາຂອງສອງສະຖາບັນ 1-2 ຄັ້ງ/ປີ; ຈັດກິດຈະກໍາແລກປ່ຽນນັກສຶກສາ, 03 ອົງການຈັດຕັ້ງມະຫາຊົນ ແລະ ການເຄື່ອນໄຫວນອກຫຼັກສູດ 1-2 ຄັ້ງ/ປີ.