ຂ່າວ

ວັນທີ 11 ຕຸລາ​ 2023​ ທີ່ຫ້ອງປະຊຸມຊັ້ນ 2 ມະຫາວິທະຍາໄລສຸພານຸວົງ​ ໄດ້ມີພິທີມອບທຶນການສຶກສາໃຫ້ກັບນັກສາດ້ອຍໂອກາດ ໃນການມອບທຶນຄັ້ງນີ້ແມ່ນ ທ່ານ​ Dr.​Robert Lawrence Acker ເປັນຜູ້ໃຫ້ທຶນການສຶກສາ ຈຳນວນ 9 ທຶນ​ ແລະຊ່ວຍເຫລືອໂຄງການພັດທະນາ ມສ​ຈຳນວນ3ໂຄງການ ລວມມູນຄ່າ 200,000 000 ກີບ(ສອງຮ້ອຍລ້ານກີບ)​ ເປັນກຽດເຂົ້າຮ່ວມໂດຍ ຮສ.​ປທ.​ ວິລະ​ ອາ​ໂນ​ລັກ​ ຮັກສາ​ການ​ແທນ​ອະທິການ​ບໍ​ດີ​ ມະຫາ​ວິທະຍາໄລ​ສຸພານຸວົງ​, ບັນດາຫ້ອງການ ແລະແຂກຖືກເຊີນ ແລະນັກສຶກສາເຂົ້າຮ່ວມ

ໃນວັນທີ​ 4 ຕຸລາ​ 2023​  ຫ້ອງການພົວພັນຕ່າງປະເທດ  ນຳໂດຍ  ທ່ານ​ປທ.​ທອງຄຳ​ ຮຸ່ງສະຫວາດ​ ຫົວຫນ້າຫ້ອງການ ໄດ້ນຳພາທີມເຂົ້າຮ່ວມ ພິທີປາຖະກາຖາ​ ວັນຄູແຫ່ງຊາດ​ ຈັດຂື້ນທີ່ສະໂມສອນໃຫຍ່ ມະຫາວິທະຍາໄລ ສຸພານຸວົງ​ ໂດຍການເປັນປະທານຂອງ ທ່ານ​ ຮສ.​ປທ.​ວິລະ​ ອາ​ໂນ​ລັກ​ ຮັກສາການແທນອະທິການບໍດີ ໄດ້ໃຫ້ກຽດຂື້ນບັນຍາຍເລົ່າປະຫວັດມູນເຊີ້ອຂອງນາຍຄູຄຳ​ ຊື່ງເປັນຄູແຫ່ງຊາດຂອງຄົນລາວ

ໃນວັນທີ່​ 26 ກັນຍາ​ 2023​ ມະຫາ​ວິທະຍາໄລ​ສຸພານຸວົງ​ ໄດ້ຕ້ອນຮັບຄະນະນັກສຶກສາຈາກວິທະຍາໄລເຕັກນິກວິຊາຊີບ​ສິບສອງປັນນາ ແຂງຢຸນນານ ສປ ຈີນ​ ຈຳນວນ 15 ຄົນ​ ເພື່ອມາສຶກສາຮຽນຮູ້ພາສາແລະວັດທະນາທຳຂອງລາວ ທີ່ຄະນະພາສາສາດ ມະຫາວິທະຍາໄລສຸພານຸວົງ​ ໃຫ້ການຕ້ອນຮັບໂດຍ ປອ.​ວົງປະສິດ ຈັນທາຄູນ ຮອງອະທິການບໍດີ​,​ ບັນດາຫົວຫນ້າຫ້ອງການ​ແລະແຂກທີ່ຖືກເຊີນ ເພື່ອເປີດພິທິການຮຽນການສອນໃຫ້ກັບນັກສຶກສາຈີນຢ່າງເປັນທາງການ

ໃນວັນທີ 25 ກັນຍາ 2023 ທາງຄະນະນໍາ ມະຫາວິທະຍາໄລ ສຸພານຸວົງ ນຳພາໂດຍ ທ່ານ ຮສ. ປທ. ວິລະ ອາໂນລັກ ຮັກສາການອະທິການບໍດີ ໄດ້ຕ້ອນຮັບພະນະທ່ານເອກອັກຄະລັດຖະທູດປະເທດໂປໂລຍ, H.E. Mr. Artur Dmochowski ປະຈຳນະຄອນຫຼວງບາງກອກ ປະເທດໄທ ສູ່ມະຫາວິທະຍາໄລ ສຸພານຸວົງ. ໃນລະຫວ່າງການມາຢ້ຽມຢາມ ທັງສອງຝ່າຍໄດ້ປຶກສາຫາລືກັນກ່ຽວກັບຄວາມເປັນໄປໄດ້ໃນການຮ່ວມມື ລະຫວ່າງ ມະຫາວິທະຍາໄລ ສຸພານຸວົງ ແລະ ສະຖາບັນການສຶກສາຊັ້້ນສູງຕ່າງໆ ໃນປະເທດໂປໂລຍ ໃນອະນາຄົດ.

ຈຸດປະສົງຂອງບົດບັນທຶກຄວາມເຂົ້າໃຈສະບັບນີ້ ສ້າງຂຶ້ນເພື່ອເປັນບ່ອນອີງໃນການຮ່ວມມືດ້ານວິຊາການທີ່ຕິດພັນກັບວຽກ ການຮຽນ-ການສອນ, ການຍົກລະດັບພະນັກງານ ຄູ-ອາຈານ ແລະ ນັກສຶກສາຂອງສອງສະຖາບັນການສຶກສາ. ບົດບັນທຶກຄວາມເຂົ້າໃຈສະບັບນີ້ແມ່ນນໍາໃຊ້ສະເພາະການຮ່ວມມື 02 ຝ່າຍທີ່ໄດ້ຕົກລົງເປັນເອກະພາບກັນ ດັ່ງນີ້: ທັງສອງສະຖາບັນ ສະໜັບສະໜູນເຊິ່ງກັນ ແລະ ກັນໃນການແລກປ່ຽນຖອດຖອນບົດຮຽນທາງດ້ານວິຊາການ 1-2ຄັ້ງ/ປີ, ພ້ອມທັງ ການສົ່ງເສີມ ແລະ ນໍາສະເໜີຂໍວິທະຍະຖານະຊ່ວຍ ສທຄ; ​ແລກປ່ຽນສື່ການຮຽນ-ການສອນເປັນຕົ້ນແມ່ນ ປຶ້ມຕໍາລາ, ຄູ-ອາຈານສອນໃນບາງວິຊາ, ຝຶກອົບຮົມ ແລະ ວຽກງານຄົ້ນຄວ້າວິທະຍາສາດ; ຮ່ວມກັນຊຸກຍູ້ສົ່ງເສີມການຝຶກງານຕົວຈິງໃນການນໍາໃຊ້ໂປຣແກມຈໍາລອງຕ່າງໆ ເຊັ່ນ: ໂປຣແກມສະມາດແບັງ, ໂປຣແກມບັນຊີວິສາຫະກິດ ແລະ ໂປຣແກມທີ່ກ່ຽວຂ້ອງກັບຫຼັກສູດການຮຽນ-ການສອນໃຫ້ແກ່ນັກສຶກສາຂອງສອງສະຖາບັນ 1-2 ຄັ້ງ/ປີ; ຈັດກິດຈະກໍາແລກປ່ຽນນັກສຶກສາ, 03 ອົງການຈັດຕັ້ງມະຫາຊົນ ແລະ ການເຄື່ອນໄຫວນອກຫຼັກສູດ 1-2 ຄັ້ງ/ປີ.