ເດືອນກັນຍາ 2024

ວັນທີ 25 ກັນຍາ (9) ປີ 2024, ເວລາ 3 : 30 ນາທີ ທີ່ ຫ້ອງປະຊຸມນ້ອຍ ຊັ້ນ 2, ຕຶກສໍານັກງານອະທິການບໍດີ, ມສ.​ໄດ້ຕ້ອນຮັບຄະນະພັກ ຈໍານວນ 06 ສະຫາຍ ຈາກ ວິທະຍາໄລ ເຕັກນິກວິຊາອາຊີບ ສິບສອງພັນນາ ສປ.ຈີນ ມາຢ້ຽມຢາມ ມະຫາວິທະຍາໄລ ສຸພານຸວົງ ຈຸດປະສົງ​ເພື່ອ​ປຶກສາຫາລື​ການຮ່ວມມື​ດ້ານ​ວິຊາການ​ ແລະ​ການ​ແລກປ່ຽນ​ນັກສຶກສາ​ ເປັນກຽດ​ເຂົ້າຮ່ວມ​ໂດຍ​ທ່ານ​ ຮສ.ປອ.​ ວົງປະສິດ​ ຈັນທະຄູນ​ ຮອງອະທິການ​ບໍ​ດີ, ມສ.​ ຄະນະ​ຜູ້ບໍລິຫານ​ການສຶກສາ​ທັງສອງຝ່າຍ​ເຂົ້າຮ່ວມ

ໃນວັນທີ 11 ກັນຍາ 2024, ຕອນບ່າຍ ເວລາ 15:00 – 16:00 ໂມງ,​ທີ່ຫ້ອງ​ປະຊຸມນ້ອຍ​ ສຳນັກ​ງານ​ອະທິການ​ບໍ​ດີ​ມະຫາ​ວິທະຍາໄລ​ສຸພານຸວົງ​ ໄດ້ຕ້ອນຮັບແຂກ ຈາກ ມະຫາວິທະຍາໄລ ກະສິກຳ ແລະ ປ່າໄມ້ ທ່າຍຫງວຽນ ສສ ຫວຽດນາມ ໄດ້ມາຢ້ຽມຢາມ ແລະ ເຮັດ ວຽກ ຢູ່​ ມະຫາ​ວິທະຍາໄລ​ສຸພານຸວົງ.​ ຈຸດປະສົງ​ການມາຢ້ຽມຢາມເພື່ອ ປຶກສາຫາລື ຄວາມເປັນໄປໄດ້ໃນການຮ່ວມມື ລະຫວ່າງ ມະຫາວິທະຍາໄລ ກະຊິກຳ ແລະ ປ່າໄມ້ ໄທຫງວຽນ ແລະ ມະຫາວິທະຍາໄລສຸພານຸວົງ.​ ເປັນກຽດ​ເຂົ້າຮ່ວມ​ໂດຍ​ ທ່ານ​ ສົມໃຈ​ ໄພຍະວົງ​ ຮອງອະທິການ​ບໍ​ດີ​, ມສ.​ ຄະນະ​ຜູ້ບໍລິຫານ​ການສຶກສາ​ທັງສອງຝ່າຍ​ເຂົ້າຮ່ວມ

ໃນວັນທີ 12 ກັນຍາ 2024, ຕອນເຊົ້າ ເວລາ 9:00 – 12:00 ໂມງ, ທີ່ຫ້ອງປະຊຸມນ້ອຍ, ຊັ້ນ 2 ຕຶກ ສໍານັກງານອະທິການບໍດີ ມະຫາວິທະຍາໄລ ສຸພານຸວົງ​ ໄດ້ຕ້ອນຮັບແຂກ ຈາກ ມະຫາວິທະຍາໄລ ຣາດສະມຸງຄຸນ ເທັກໂນໂລຊີ ລ້ານນາ (Rajamangala University of Technology Lanna) ປະເທດໄທ ຈຳນວນ 05 ທ່ານ, ໄດ້ມາຢ້ຽມຢາມ ແລະ ເຮັດວຽກ ຢູ່ ມະຫາວິທະຍາໄລ ສຸພານຸວົງ ມີຈຸດປະສົ່ງ ເພື່ອສົນທະນາຄວາມເປັນໄປໄດ້ໃນການຮ່ວມມື ແລະ ຕໍ່ MOU ທີ່ໝົດອາຍຸ​ແລ້ວ​ ເປັນກຽດ​ເຂົ້າ​ຮ່ວມ​ໂດຍ​ ທ່ານ​ ຮສ​ ວິລະ​ ອາ​ໂນ​ລັກ​ ອະທິ​ການບໍ​ດີ, ມສ.​ ຄະນະ​ຜູ້ບໍລິຫານ​ການສຶກສາ​ທັງສອງຝ່າຍ​ ເຂົ້າຮ່ວມ

ວັນອາທິດ ວັນທີ 22 ກັນຍາ 2024, ເວລາ 09:00 – 12:00 ໂມງ,​ ທີ່ ຫ້ອງປະຊຸມ ຊັ້ນ 2 ຕຶກສໍານັກງານອະທິການບໍດີ.​ ມະຫາວິທະຍາໄລ ສຸພານຸວົງ​ ໄດ້ຕ້ອນຮັບຄະນະນໍາຈາກມະຫາວິທະຍາໄລ ພູເອີ,​ຈໍານວນ 06 ທ່ານ,​ ນຳທີມໂດຍ​ທ່ານ​ Hu Guoyun ປະທານຄະນະບໍລິຫານງານ ມະຫາວິທະຍາໄລພູເອີ,​ ສປ ຈີນ. ໄດ້ມາຢ້ຽມຢາມ ມະຫາວິທະຍາໄລ ສຸພານຸວົງ ຈຸດປະສົງ​ເພື່ອປຶກສາຫາລືການຮ່ວມມືດ້ານວິຊາການຮ່ວມກັນ ກັບ ມະຫາວິທະຍາໄລ ສຸພານຸວົງ​ ເປັນກຽດ​ຕ້ອນຮັບ​ໂດຍ​ທ່ານ​ ທ່ານ​ ຮສ​ ປອ​ ວົງປະສິດ​ ຈັນທະຄູນ​ ຮອງອະທິການບໍດີ, ແລະຕາງຫນ້າຄະນະນຳ  ມສ​, ຜູ້ບໍລິຫານ ທາງລົດໄຟລາວ-ຈີນ, ຫົວໜ້າສະຖາບັນຂົງຈື ຝ່າຍຈີນ, ແລະ ພະນັກງານ ເຂົ້າ​ຮ່ວມ.

ວັນທີ​ 20​ ກັນຍາ​ 2024​ ທີ່​ສະໂມສອນ​ໃຫ່ຍ​ ມະຫາ​ວິທະຍາໄລ​ສຸພານຸວົງ​ ໄດ້ມີພິທີປະກາດແຕ່ງຕັ້ງ ທ່ານ​ ສົມໃຈ​ ໄພຍະວົງ ຄະນະບໍດີ​ ຄະນະສຶກສາສາດ ຂື້ນເປັນ ທ່ານຮອງອະທິການບໍດີ ມະຫາ​ວິທະຍາໄລ​ສຸພານຸວົງ​ຢ່າງເປັນທາງການ,​ ໂດຍໃຫ້​ກຽດ​ເປັນປະທານ​ ທ່ານ​ ຮສ​ ວິລະ​ ອາ​ໂນ​ລັກ​ ອະທິ​ການບໍ​ດີ, ມສ.​ ທ່ານຮອງຫົວຫນ້າກົມຈັດຕັ້ງ ກະຊວງສຶກສາທິການແລະກິລາ,​ ຮອງອະທິການບໍດີ, ຄະນະບໍດີ, ຫົວຫນ້າ​ຫ້ອງການ, ພະນັກງານ​ຄູອາຈານ ເຂົ້າຮ່ວມ

ພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023 ມອບບັດສະມາຊິກພັກສົມບູນ ຮອບທີ X ຊຸດທີ 1 ປີ 2024 ແລະ ເຜີຍແຜ່ມະຕິກອງປະຊຸມຄົບຄະນະ ຄັ້ງທີ 8 ຂອງຄະນະບໍລິຫານງານສູນກາງພັກ ສະໄໝທີ XI ທີ່ ມະຫາວິທະຍາໄລ ສຸພານຸວົງ, ຄັ້ງວັນທີ 18 ກັນຍາ 2024,​ ຕາງຫນ້້າໃຫ້ຫ້ອງການພົວພັນຕ່າງປະເທດ ຂໍສະແດງຄວາມຍິນນຳ ທ່ານ ປະລິດຖາ​ ດວງຈັກ​ ໄດ້ຮັບບັດສະມາຊິກພັກສົມບູນ​ ຂໍໃຫ້ຈະເລີນໃນຫນ້າທີການງານ

ວັນທີ​ 18 ກັນຍາ​2024​ ທີ່​ຫ້ອງ​ປະຊຸມ​ ຕຶກ​ສຳນັກງານ​ອະທິການ​ບໍ​ດີ,​ ມະຫາ​ວິທະຍາໄລ​ສຸພານຸວົງ​ ໄດ້ເປີດກອງປະຊຸມຄະນະຮັບຜິດຊອບໂຄງການສອນນັກສຶກສາຈີນຈາກ ວິທະຍາໄລ ເຕັກນິກວິຊາຊີບສິບສອງພັນນາ ສປ ຈີນ ເພື່ອກຽມຄວາມພ້ອມ​ແລະ​ອຳນວຍຄວາມສະດວກໃຫ້ແກ່ນັກສືກສາທີ່ຈະມາຮຽນມະຫາວິທະຍາໄລ ສຸພານຸວົງ​ ໂດຍ​ເປັນ​ກຽດ​ເຂົ້າຮ່ວມ​ ທ່ານ​ ຮສ​ ປອ​ ວົງປະສິດ​ ຈັນທະຄູນ​ ຮອງອະທິການບໍດີ, ມສ.​ ບັນດາ​ຫົວໜ້າ​ຫ້ອງການ,​ ພະນັກງານ​ຄູອາຈານ​ເຂົ້າຮ່ວມ

ວັນທີ​ 5 ກັນຍາ​ 2024​ ເວລາ​ 9.30​ ນາທີ.​ ທ່ານ​ ທອງຄຳ​ ຮຸ່ງສະຫວາດ​ ຫົວໜ້າ​ຫ້ອງການ​ພົວພັນ​ຕ່າງ​ປະເທດ, ມສ.​ ແລະ​ທ່ານ​ Bob ACKER ຜູ້ໃຫ້ການອຸປະຖຳຊ່ວຍເຫລືອອຸປະກອນການສຶກສາ ໄດ້ໄປມອບປຶ້ມ,​ ບິກ​ ແລະປື້ມແບບຮຽນຈຳນວນຫນຶ່ງ ໃຫ້ກັບໂຮງຮຽນປະຖົມບ້ານຜາໂຄມ,​ ນະຄອນຫລວງພະບາງ,​ ແຂວງຫລວງພະບາງ