ເດືອນກໍລະກົດ 2024

ວັນທີ​ 24 ກໍລະກົດ​ 2024​ ເວລາ 15:00 ນາທີ.​ ທີ່ຫ້ອງປະຊຸມຊັ້ນ​ 2, ຕຶກສໍານັກ​ງານອະທິການ​ບໍ​ດີ​ ມະຫາ​ວິທະຍາໄລ​ສຸພານຸວົງ​ ໄດ້​ຕ້ອນ​ຮັບແຂກ​ມາຈາກ​ Shanghai Institute of technology university ຈຳນວນ​ 4 ທ່ານ,​ ນຳທິມໂດຍ​ Qingchang Chen, Director, International Office, ຈຸດປະສົງ​ເພື່ອມາຢ້ຽມຢາມ ຝຶກອົບຮົມຄວາມຮູ້ເບື້ອງຕົ້ນກ່ຽວກັບທາງລົດໄຟໃຫັນັກສຶກສາມະຫາວິທະຍາໄລສຸພານຸວົງ,​ ເປັນກຽດ​ເຂົ້າຮ່ວມ​ໂດຍ​ ທ່ານ ຮສ. ວິລະ​ ອາ​ໂນ​ລັກ​ ອະທິ​ການບໍ​ດີ​ ມສ.​ ຜູ້ບໍລິຫານ​ການສຶກສາ​ທັງສອງຝ່າຍ​ເຂົ້າຮ່ວມ

ໃນວັນທີ 12 ກໍລະກົດ 2024, , ເວລາ 16:00 ໂມງ. ທີ່ຫ້ອງປະຊຸມຊັ້ນ​ 2​ ສຳນັກງານ​ອະທິການ, ມສ. ໄດ້ ຕ້ອນຮັບຄະນະນໍາຈາກມະຫາວິທະຍາໄລ ແຫ່ງຊາດ ຫວຽດນາມ ຮ່າໂນຍ, ສ ຫວຽດນາມ, ຈໍານວນ 05 ທ່ານ,​ ນຳທີມໂດຍ​ Prof. Pham Bao Son, VNU Vice President. ຈຸດປະສົງຂອງການເຂົ້າມາຢ້ຽມຢາມແມ່ນເພື່ອປຶກສາຫາລືຄວາມເປັນໄປໄດ້ໃນການຮ່ວມມືກັບ ມສ ໃນຂົງເຂດການວິໄຈ, ການແລກປ່ຽນນັກສຶກສາຮ່ວມກັບ ມະຫາວິທະຍາ​ຍາໄລ ສຸພານຸວົງ.​ ເປັນກຽດ​ເຂົ້າຮ່ວມ​ໂດຍ​ ທ່ານ​ ຮສ.​ ວິລະ​ ອາໂນລັກ ອະທິການ​ບໍ​ດີ​ ມະຫາ​ວິ​ທະຍາໄລ​ສຸພານຸວົງ, ຜູ້ບໍລິຫານ​ການສຶກສາ​ທັງສອງຝ່າຍ​ເຂົ້າຮ່ວມ

ໃນວັນທີ 10 ກໍລະກົດ 2024, ໃນເວລາ 10:00 ໂມງເຊົ້າ​ຫ້ອງການພົວພັນຕ່າງປະເທດ,​ ຕຶກ​ສໍານັກງານອະທິການ​ບໍ​ດີ, ມະຫາ​ວິທະຍາໄລ​ສຸພານຸວົງ​ ໄດ້ຕ້ອນ​ຮັບແຂກ​ມາຈາກ​ ປະເທດ​ຈີນ,​ ໄດ້ມາຢ້ຽມຢາມ​ ມສ.​ ຈຸດປະສົງ​ເພື່ອສົນທະນາຖາມຂໍ້ມູນກ່ຽວກັບນຳນັກສຶກສາຈີນ​ ແລະນັກສຶກສາ​ຕ່າງປະເທດ​ ມາຮຽນຢູ່ມະຫາວິທະຍາໄລສຸພານຸວົງ ເປັນກຽດ​ຕ້ອນຮັບ​ໂດຍ​ ທ່ານ​ ທອງຄຳ​ຮຸ່ງສະຫວາດ​ ຫົວໜ້າ​ຫ້ອງການ​ພົວພັນ​ຕ່າງ​ປະເທດ, ມສ.​ ແລະແຂກເຂົ້າຮ່ວມ

ໃນວັນທີ 10 ກໍລະກົດ 2024, ໃນເວລາ 10:00 ໂມງເຊົ້າ. ທີ່ຫ້ອງປະຊຸມຊັ້ນ​ 2, ຕຶກ​ສໍານັກງານອະທິການ​ບໍ​ດີ, ມະຫາ​ວິທະຍາໄລ​ສຸພານຸວົງ​ ໄດ້ມີຕົວແທນຈາກສະມາຄົມເຄືອຂ່າຍອາຊີປາຊີຟິກ ປະເທດ ມາເລເຊຍ (APAN Malaysia) ຈຳນວນ​ 10 ທ່ານ, ໄດ້ມາຢ້ຽມຢາມ ມະຫາວິທະຍາໄລ ສຸພານຸວົງ, ຈຸດປະສົງເພື່ອປຶກສາຫາລືຄວາມເປັນໄປໄດ້ໃນ ການຮ່ວມມືກັບ ມສ ໃນຂົງເຂດການວິໄຈ, ການພັດທະນາ, ຄວາມຄືບໜ້າຂອງເທັກໂນໂລຊີການສື່ສານ ແລະ ອຸດສາຫະກຳຂໍ້ມູນຂ່າວສານ ແລະ ເພື່ອພັດທະນາໂຄງການທັດສະນະສຶກສາສໍາລັບນັກສຶກສາ, ທາງສະມາຄົມເຄືອຂ່າຍອາຊີປາຊີຟິກ ປະເທດ ມາເລເຊຍມີຈຸດປະສົງ ນໍາເອົານັກສຶກສາຈາກ ສປ ຈີນ ມາທັດສະນະສຶກສາຢູ່ ມະຫາວິທະຍາໄລ ສຸພານຸວົງ.​ ເປັນກຽດ​ເຂົ້າຮ່ວມ​ໂດຍ​ ທ່ານ​ ຮສ.ປອ.​ ວົງປະສິດ​ ຈັນທະຄູນ​ ຮອງອະທິການ​ບໍ​ດີ, ມສ.​ ຄະນະນຳ​ຜູ້​ບໍ​ລິ​ຫານ​ການສຶກສາ,​ ຄະນະ​ຜູ້ແທນ​ທັງສອງຝ່າຍ ເຂົ້າຮ່ວມ

ວັນທີ 4 ກໍລະກົດ 2024 ຕອນເຊົ້າເວລາ 11: 00 ນາທີທີ່ຫ້ອງຫ້ອງປະຊຸມນ້ອຍ ຊັ້ນສອງ, ຕຶກສໍານັກງານອະທິການບໍດີ, ມະຫາວິທະຍາໄລ ສຸພານຸວົງ ໄດ້ຕ້ອນຮັບແຂກ ທ່ານ​ ນາງ​ມາລິກ ຜູ້ປະຈຳຫ້ອງການອົງການ AUF ປະເທດຝຣັ່ງເສດ​ ປະຈຳລາວ ໄດ້ເຂົ້າມາເຮັດວຽກ​ນຳ​ ມສ.​ ຈຸດປະສົງເພື່ອເຊັນສັນຍາປະຕິບັດໂຄງການ ເລື່ອງການຝືກອົບຮົມວິຊາວິຊີບ ແລະພາສາຝຣັ່ງ ໃຫ້ກັບຄູອາຈານ ນັກສຶກສາ ໃຫ້ເປັນ ອາຊີບ ເພື່ອກ້າວເຂົ້າສູ່ສາກົນ ເປັນກຽດເຂົ້າຮ່ວມໂດຍ່ ທ່ານ​ ຮສ.​ວິລະ​ ອາ​ໂນ​ລັກ​ ອະທິການບໍດີ ມສ, ຜູ້ບໍລິຫານ​ການສຶກສາ​ມະຫາ​ວິທະຍາໄລ​ສຸພານຸວົງ​ເຂົ້າຮ່ວມ