ເດືອນມີນາ 2024

ວັນທີ​ 27 ມິຖຸນາ​ 2024​ ຕອນບ່າຍ​ເວລາ​ 2: 00 ນາທີ.​ ທີ່ຫ້ອງ​ການພົວພັນ​ຕ່າງ​ປະເທດ,​ ມສ.​ ໄດ້ຕອນຮັບທ່ານ Associate Professor Dr. Laurie Boithias ຊ່ຽວຊານດ້ານ Hydrology, water quality, ecosystem service ຈາກສະຖາບັນ IRD (FRENCH NATIONAL INSTITUTE FOR SUSTAINABLE DEVELOPMENT)ມະຫາວິທະຍາໄລ ຕູລູ ( University of Toulouse) ປະເທດຝຣັ່ງເສດ, ໄດ້ມາຢ້ຽມຢາມມະຫາວິທະຍາໄລສຸພານຸວົງ, ໂດຍມີຈຸດປະສົ່ງເພື່ອການຮ່ວມມືໃນການຄົ້ນຄວ້າວິໄຈ ໃນການຈັດການນ້ຳ ໃນພາກເໜືອຂອງປະເທດ ລາວໃນອານາຄົດ​ ໂດຍເປັນ ກຽດ​ເຂົ້າຮ່ວມ​ ທ່ານ​ ທອງຄຳ​ ຮຸ່ງສະຫວາດ​ ຫົວໜ້າ​ຫ້ອງການ​ພົວພັນ​ຕ່າງ​ປະເທດ, ມສ.​ ພະນັກງານ​ຫ້ອງການ​ພົວພັນ​ຕ່າງ​ປະເທດ​ເຂົ້າຮ່ວມ

ວັນທີ​ 24 ມິຖຸນາ​ 2024​ ຕອນເຊົ້າ​ເວລາ​ 10: 00​ ນາທີທີ່ຫ້ອງ​ການພົວພັນ​ຕ່າງ​ປະເທດ​ ມສ,​ ໄດ້​ຕ້ອນ​ຮັບແຂກ​ຈາກ​ໂຄງການອາສາສະໝັກ​ ອົດສະຕາລີ​ (Australian Volunteers Program) ມາຢ້ຽມຢາມ​ ມະຫາ​ວິທະຍາໄລ​ສຸພານຸວົງ​ ເປັນກຽດ​ຕ້ອນຮັບ​ໂດຍ​ທ່ານ​ ນິກອນ ທຳມະຈະເລີນ ຮອງຫົວຫນ້າ​ຫ້ອງການ​ພົວ​ພົວ​ຕ່າງປະເທດ, ພະນັກງານ​ຫ້ອງການ​ພົວພັນ​ຕ່າງ​ເຂົ້າຮ່ວມ​

ໃນວັນທີ 20 ມິຖຸນາ 2024, ເວລາ 9 : 00 ນາທີ ທີ່ຫ້ອງປະຊຸມນ້ອຍ, ຊັ້ນ 2, ຕຶກສໍານັກງານອະທິການບໍດີ ມສ,​ໄດ້ເປີດກອງປະຊຸມຖອດຖອນບົດຮຽນ ແລະ ກະກຽມຮັບເອົານັກສຶກສາ ຈາກ ວິທະຍາໄລ ເຕັກນິກວິຊາອາຊີບ ສິບສອງພັນນາ ສປ.ຈີນ, ຊຸດທີ່ 2 ທີ່ຈະເດີນທາງມາສຶກສາຢູ່ ມະຫາວິທະຍາໄລ ສຸພານຸວົງ ໃນເດືອນ ກັນຍາ (9) ປີ 2024.​ ໂດຍເປັນກຽດເຂົ້າຮ່ວມກອງປະຊມ ທ່ານ ຮສ. ປອ. ວົງປະສິດ ຈັນທະຄຸນ ຮອງອະທິການບໍດີ ມສ.​ ຄະນະ​ຜູ້ບໍລິຫານ​ການສຶກສາ​ ແລະ​ຄະນະ​ຮັບຜິດຊອບ​ເຂົ້າຮ່ວມ

ໃນວັນທີ 19 ມິຖຸນາ 2024 ທີ່ ສະໂມສອນ ມະຫາວິທະຍາໄລສຸພານຸວົງ ໄດ້ມີພິທີປະກາດແຕ່ງຕັ້ງອະທິການບໍດີ ໂດຍການເປັນປະທານຂອງທ່ານ ຮສ. ປອ. ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ; ມີຄະນະນໍາ, ພະນັກງານອາຈານພາຍໃນມະຫາວິທະຍາໄລສຸພານຸວົງ ແລະ ແຂກຮັບເຊີນເຂົ້າຮ່ວມ ໃນພິທີດັ່ງກ່າວ ທ່ານ ນ. ວຽງແກ້ວ ພົມມະວົງ ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານດໍາລັດວ່າດ້ວຍການແຕ່ງຕັ້ງ ອະທິການບໍດີ ມະຫາວິທະຍາໄລສຸພານຸວົງ, ໂດຍແຕ່ງຕັ້ງທ່ານ ຮສ. ປທ. ວິລະ ອາໂນລັກ ຮັກສາການອະທິການບໍດີ ຂຶ້ນເປັນ ອະທິການບໍດີ ມະຫາວິທະຍາໄລສຸພານຸວົງ ຢ່າງເປັນທາງການ ຕາມດຳລັດຂອງນາຍົກລັດຖະມົນຕີ ເລກທີ 296/ນຍ, ລົງວັນທີ 05.06.2024.

ໃນວັນທີ 17 ມິຖຸນາ 2024, ຕອນເຊົ້າ ເວລາ 08:30 ໂມງ,​ຫ້ອງປະຊຸມນ້ອຍ ຊັ້ນສອງ, ຕຶກສໍານັກງານອະທິການບໍດີ, ມະຫາວິທະຍາໄລ ສຸພານຸວົງ ໄດ້ຕ້ອນຮັບຄະນະຜູ້ແທນ ຈາກເຄືອຂ່າຍມະຫາວິທະຍາໄລອາຊຽນ (AUN) ແລະ ສາດສະດາຈານ Michael Fay OAM, ປະທານ ສະມາຄົມຂອງມະຫາວິທະຍາໄລໃນອົດສະຕຣາລີ ແລະ ເປັນຫົວ​ ຫນ້າບໍລິການດ້ານການສຶກສາ ASEAN Focus (AFG VG). ຈຸດປະສົງການມາຢ້ຽມຢາມແມ່ນ ເພື່ອປຶກສາ ຢາກມາຈັດກອງປະຊຸມ ການສົນທະນາດ້ານການສຶກສາອາຊຽນ – ອົດສະຕຣາລີ (ASEAN-Australia Education Dialogue) ທີ່ມະຫາວິທະຍາໄລສຸພານຸວົງ​ ແຂວງຫລວງພະບາງ ສປປ​ ລາວ, ເປັນກຽດ​ເຂົ້າຮ່ວມ​ກອງປະຊຸມ​ ທ່ານ ປອ. ສຸລິເດດ ແກ້ວບົວລະເພັດ, ຮອງອະທິການບໍດີ ມະຫາວິທະຍາໄລ ສຸພານຸວົງ, ຄະນະ​ຜູ້ບໍລິຫານ​ການສຶກສາ, ແຂກຜູ້ມີກຽດ​ທັງສອງຝ່າຍ​ເຂົ້າຮ່ວມ IRO​ NEWS​ REPORT

ວັນທີ​ 10 ມິຖຸນາ​ 2024​ ທີ່​ສະໂມສອນ​ໃຫຍ່​ ມະຫາ​ວິທະຍາໄລ​ສຸພານຸວົງ​ ໄດ້ຕ້ອນຮັບແຂກ​ມາຈາກ​ ສະຖານທູດ​ອິນເດຍ​ ປະຈຳ​ຢູ່​ ສປປ​ ລາວ​ ໄດ້ມາຢ້ຽມຢາມ​ ມະຫາວິທະຍາໄລສຸພານຸວົງ​ ຈຸດປະສົງ​ເພື່ອ​ເຜີຍແຜ່​ ທຶນ​ການສຶກສາ​ ລະດັບ​ປະລິນຍາໂທ​ ແລະ​ ເອກ.​ ແລະພ້ອມດ້ວຍການຫລີ້ນໂຍຄະໃຫ້ກັບພະນັກງານຄູອາຈານ ແລະ​ ນັກສຶກສາ​ ມະຫາ​ວິທະຍາໄລ​ສຸພານຸວົງ,​ ເປັນກຽດເຂົ້າຮ່ວມໂດຍ​ ທ່ານ​ ທອງຄຳ​ ຮຸ່ງສະຫວາດ​ ຫົວໜ້າ​ຫ້ອງການ​ພົວພັນ​ຕ່າງ​ປະເທດ,​ ມສ.​ ແຂກຈາກສະຖານທູດ,​ ພະນັກງານ​ຄູອາຈານ​ເຂົ້າຮ່ວມ

ໃນຊ່ວງວັນທີ 01-16 ມິຖຸນາ 2024 ນັກສຶກສາ ມະຫາວິທະຍາໄລ ສຸພານຸວົງ ຈໍານວນ 5 ນ້ອງໄດ້ເປັນຕົວແທນເຂົ້າຮ່ວມ AUN Summer Camp 2024 ທີ່ປະເທດບູໄນ ແລະ ປະເທດຟິລິບປິນ ແລະຍັງມີອີກ 9 ນ້ອງ ທີ່ຈະໄດ້ເດີນທາງໄປຮ່ວມຢູ່ ປະເທດໄທ, ປະເທດຫວຽດ, ປະເທດອິນໂດເນເຊຍ ແລະ ປະເທດມາເລເຊຍ. ນອກນີ້, ມະຫາວິທະຍາໄລ ສຸພານຸວົງ ຍັງຈະຂັດເລືອກເພິ່ມເຕີມອີກຈໍານວນ 10 ນ້ອງ. ຖ້າໃຜມີຄວາມສົນໃຈໃຫ້ອ່ານລາຍລະອຽດໃນແຈ້ງການຂ້າງລຸ່ມນີ້ ແລະຕິດຕໍ່ລົງທະບຽນນໍາຄະນະຮັບຜິດຊອບໃນຄະນະວິຊາຂອງຕົນເພື່ອນໍາສົ່ງລາຍຊື່ເຂົ້າສໍາພາດໃນວັນທີ 12 ມິຖຸນາ 2024.

ວັນທີ 3 ມິຖຸນາ 2024, ຕອນເຊົ້າ ເວລາ 9:30 – 10:30 ນາທີ , ທີ່ ຫ້ອງປະຊຸມຊັ້ນ 2 ຕຶກສໍານັກງານອະທິການບໍດີ ມະຫາວິທະຍາໄລສຸພານຸວົງ ໄດ້ມີກອງປະຊຸມເພື່ອເຂົ້າຮ່ວມຮັບຟັງການປຶກສາຫາລືກ່ຽວກັບເນື້ອໃນ MOU ຂອງໂຄງການພັດທະນາການສຶກສາຊັ້ນສູງແບບວ່ອງໄວ Lao Higher Education for Accelerated Development LEAD Project. ເປັນກຽດເຂົ້າຮ່ວມໂດຍທ່ານ ຮສ. ວິລະ ອາໂນລັກ ຮັກສາການອະທິການບໍດີ ມະຫາວິທະຍາໄລສຸພານຸວົງ, ຜູ້ບໍລິຫານການສຶກສາ, ຄະນະຜູ້ແທນທັງສອງຝ່າຍເຂົ້າຮ່ວມ