ໃນມື້ວັນທີ 8 ມິຖຸນາ 2022 ພະນັກງານຫ້ອງການພົວພັນຕ່າງປະເທດ ມະຫາວິທະຍາໄລ ສຸພານຸວົງ ໄດ້ໄປແລກປ່ຽນບົດຮຽນການເຮັດວຽກກ່ຽວກັບການຮ່ວມມືສາກົນ ຮ່ວມກັບກົມສຶກສາຊັ້ນສູງ ແລະ ກົມພົວພັນ ກັບຕ່າງປະເທດ ຂອງ ກະຊວງສຶກສາທິການ ແລະ ກິລາ ເຊິ່ງໃຫ້ກຽດຕ້ອນຮັບໂດຍ ທ່ານ ປອ. ສາຍຂອງ ສາຍນາສິນ ຫົວໜ້າກົມສຶກສາຊັ້ນສູງ ແລະ ທ່ານ ພູວັນ ວົງສຸທິ ຮອງ ຫົວໜ້າກົມຮ່ວມືກັບຕ່າງປະເທດ ພ້ອມດ້ວຍພະນັກງານ ຂອງ ສອງກົມຢ່າງອົບອຸ່ນ. ຈຸດປະສົງ ຂອງການພົບປະ ແລະ ແລກປ່ຽນຮ່ວມກັບສອງກົມນີ້ ແມ່ນເພື່ອເສີມສ້າງ ຄວາມສາມາດໃນການເຮັດວຽກ ຂອງ ພະນັກງານ, ເພີ່ມທະວີຄວາມເຈົ້າໃຈ, ການຮ່ວມມື ແລະ ຮັດແໜ້ນສາຍ ສຳພັນ ລະຫວ່າງສອງກົມທີ່ຮັບຜິດຊອບ ມະຫາວິທະຍາໄລ ສຸພານຸວົງ ໂດຍສະເພາະແມ່ນວຽກງານການຮ່ວມມືກັບສາກົນ. ຫົວຂໍ້ ຂອງ ການແລກປ່ຽນ ປະກອບມີຫຼັກການປະກອບເອກະສານທາງລັດຖະການໂດຍສະເພາະແມ່ນ ການຂໍອະນຸມັດ ເຊັນບົດບັນທຶກຄວາມເຂົ້າໃຈ, ການເຊັນສັນຍາ, ການຮັບເອົາ ແລະ ການແລ່ນວິຊາ, ບັດປະຈຳໂຕ (ID Card) ໃຫ້ແກ່ຊຽວຊານ, ອາສາສະໝັກ ແລະ ນັກສຶກສາຕ່າງປະເທດ ແລະ ການສົ່ງອາຈານ ແລະ ນັກສຶກສາ ຂອງ ມະຫະວິທະຍາໄລ ສຸພານຸວົງ ເພື່ອເຂົ້າຮ່ວມໂຄງການແລກປ່ຽນທາງດ້ານວິຊາການຢູ່ຕ່າງປະເທດ.
ໃນມື້ວັນທີ 8 ມິຖຸນາ 2022 ພະນັກງານຫ້ອງການພົວພັນຕ່າງປະເທດ ໄດ້ໄປແລກປ່ຽນບົດຮຽນການເຮັດວຽກກ່ຽວກັບການຮ່ວມມືສາກົນ
