ພະນັກງານ ແລະ ອາຈານ ພາຍໃນ ມະຫາວິທະຍາໄລ ສຸພານຸວົງ ສ່ວນໃຫຍ່ແມ່ນຈົບການສຶກສາມາຈາກ ມະຫາວິທະຍາໄລ ແຫ່ງຊາດລາວ ແລະ ມະຫາວິທະຍາໄລ ສຸພານຸວົງ. ຍັງມີພະນັກງານ ແລະ ອາຈານ ຈຳນວນບໍ່ນ້ອຍທີ່ມີວຸດທິການສຶກສາລະດັບປະລິນຍາຕີ ສະນັ້ນການພັດທະນາຊັບພະຍາກອນມະນຸດຍັງເປັນບັນຫາ ທີ່ສຳຄັນ ແລະ ເປັນບູລິມະສິດໜຶ່ງ ຂອງ ມະຫາວິທະຍາໄລ. ທີ່ຜ່ານມາ ມະຫາວິທະຍາໄລ ສຸພານຸວົງ ໄດ້ຊອກຫາທຸກວິທີທາງໃນການຍົກລະດັບວຸດທິການສຶກສາ ຂອງ ພະນັກງານ ແລະ ອາຈານ ພາຍໃນມະຫາວິທະຍາໄລເພື່ອໃຫ້ໄດ້ຕາມມາດຕະຖານ “1, 6, 3” ຂອງ ພະນັກງານ ແລະ ອາຈານ ຂອງ ມະຫາວິທະຍາໄລ ທີ່ ລັດຖະບານ ແຫ່ງ ສປປ ລາວ ວາງອອກ ເຊິ່ງໃນຈຳນວນພະນັກງານ 10 ຄົນຢ່າງນ້ອຍຕ້ອງມີວຸດທິລະດັບ ປະລິນຍາເອກ 1 ຄົນ, ປະລິນຍາໂທ 6 ຄົນ ແລະ ປະລິນຍາຕີ 3 ຄົນ. ມາເຖິງປະຈຸບັນ ມະຫາວິທະຍາໄລ ສຸພານຸວົງ ຍັງບໍ່ທັນເຮັດໄດ້ຕາມມາດຕະຖານດັ່ງກ່າວ ເນື່ອງຈາກວ່າງ ມະຫາວິທະຍາໄລ ສຸພານຸວົງ ຂາດທຶນຮອນໃນການຍົກລະດັບພະນັກງານ ຂອງ ຕົນເອງ. ທີ່ຜ່ານມາ ມະຫາວິທະຍາໄລ ສຸພານຸວົງ ອີງໃສ່ແຕ່ທຶນຊ່ວຍເຫຼືອລ້າຈາກມະຫາວິທະຍາໄລ ຄູ່ຮ່ວມ ແລະ ອົງການຕ່າງໆ ຂອງ ສາກົນ ໂດຍສະເພາະແມ່ນ ອົງການ KOICA ແລະ ທະນາຄານພັດທະນາອາຊີ ຫຼື ADB ເພື່ອຍົກລະດັບພະນັກງານ ແລະ ອາຈານ ຂອງ ມະຫາວິທະຍາໄລ.

ນັບຕັ້ງແຕ່ປີ 2010 ເປັນຕົ້ນມາ ມະຫາວິທະຍາໄລ ສຸພານຸວົງ ໄດ້ຮັບທຶນ ແລະ ສົ່ງພະນັກງານ ແລະ ອາຈານ ຂອງ ຕົນເອງໄປຍົກລະດັບຢູ່ຕ່າງປະເທດທັງໝົດ 159 ຄົນ ໃນນັ້ນມີລະດັບ ປະລິນຍາໂທ 112 ຄົນ ແລະ ປະລິນຍາເອກ 49 ຄົນ, ດັ່ງລາຍລະອຽດລຸ່ມນີ້:

• ໃນປີ 2010, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 02 ທຶນ ທີ່ປະເທດ ສ. ເກົາຫຼີ;
• ໃນປີ 2011, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 05 ທຶນ ແລະ ປະລິຍາເອກ 4 ທຶນ ທີ່ປະເທດ  ສປ. ຈີນ, ປະເທດໄທ ແລະ ສ. ເກົາຫຼີ;
• ໃນປີ 2012, ໄດ້ນຳສົ່ງພະນັກງານໄປຍົກລະດັບປະລິນຍາໂທຈຳນວນ 10 ທຶນ ທີ່ປະເທດໄທ;
• ໃນປີ 2013, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 14 ທຶນ ແລະ ປະລິຍາເອກ 5 ທຶນ ທີ່ປະເທດໄທ, ສປ ຈີນ, ມາເລເຊຍ, ຫວຽດນາມ ແລະ ຍີ່ປຸ່ນ;
• ໃນປີ 2014, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 6 ທຶນ ແລະ ປະລິຍາເອກ 4 ທຶນ ທີ່ປະເທດ ສສ. ຫວຽດນາມ, ສ. ເກົາຫຼີ, ສປ. ຈິນ, ອົດສະຕຮາລີ ແລະ ຍີປູ່ນ;
• ໃນປີ 2015, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 25 ທຶນ ແລະ ປະລິຍາເອກ 4 ທຶນ ທີ່ປະເທດ ສປ. ຈິນ, ໄທ, ອົດສະຕຮາລີ, ສ. ເກົາຫຼີ ແລະ ສສ. ຫວຽດນາມ;
• ໃນປີ 2016, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 6 ທຶນ ແລະ ປະລິຍາເອກ 5 ທຶນ ທີ່ປະເທດ ສປ. ຈິນ ແລະ ສສ. ຫວຽດນາມ;
• ໃນປີ 2017, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 5 ທຶນ ແລະ ປະລິຍາເອກ 3 ທຶນ ທີ່ປະເທດ ສປ. ຈິນ, ສ. ເກົາຫຼີ, ໄທ ແລະ ສສ. ຫວຽດນາມ;
• ໃນປີ 2018, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 14 ທຶນ ແລະ ປະລິຍາເອກ 2 ທຶນ ທີ່ປະເທດ ສ. ເກົາຫຼີ, ໄທ, ສສ. ຫວຽດນາມ ແລະ ສປ. ຈິນ;
• ໃນປີ 2019, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 13 ທຶນ ແລະ ປະລິຍາເອກ 15 ທຶນ ທີ່ປະເທດ ໄທ, ສປ. ຈິນ, ສສ. ຫວຽດນາມ ແລະ ສ. ເກົາຫຼີ;
• ໃນປີ 2020, ໄດ້ນຳສົ່ງພະນັກງານໄປຍົກລະດັບປະລິນຍາໂທໃນຈຳນວນ 4 ທຶນ ແລະ ປະລິຍາເອກ 5 ທຶນ ທີ່ປະເທດ ສປ. ຈິນ ແລະ ໄທ;
• ໃນປີ 2021, ໄດ້ນຳສົ່ງພະນັກງານໄປຍົກລະດັບປະລິນຍາໂທ ໃນຈຳນວນ 6 ທຶນ ແລະ ປະລິຍາເອກ 4 ທຶນ ທີ່ປະເທດ  ສປ. ຈິນ, ໄທ, ສ. ເກົາຫຼີ ແລະ ສສ. ຫວຽດນາມ.