ການແລກປ່ຽນນັກສຶກສາໂດຍສະເພາະການສົ່ງນັກສຶກສາໄປແລກປ່ຽນຢູ່ຕ່າງປະເທດເປັນນວຽກງານໜຶ່ງທີ່ ມະຫາວິທະຍາ ໄລສຸພານຸວົງ ໃຫ້ຄວາມສຳ ແລະ ພະຍາຍາມສົ່ງນັກສຶກເຂົ້າແລກປ່ຽນໃຫ້ຫຼາຍເທົ່າທີ່ຈະຫຼາຍໄດ້. ເນື່ອງຈາກວ່າ ມະຫາວິທະຍາໄລ ສຸພານຸວົງ ຂາດທຶນໃນການສະໜັບສະໜູນນັກສຶກສາໃນການເຂົ້າຮ່ວມ ການແລກປ່ຽນ, ນັກສຶກສາສ່ວນໃຫຍ່ແມ່ນມາຈາກ ຄອບຄົວທີ່ທຸກຈົນ ແລະ ລະດັບພາສາຕ່າງປະເທດ ຂອງ ນັກສຶກສາກໍຍັງຢູ່ໃນລະດັບຕໍ່າອັນເປັນສາເຫດຕົ້ນຕໍທີ່ເຮັດໃຫ້ ມະຫາວິທະຍາໄລ ສຸພານຸວົງ ສົ່ງນັກສຶກສາເຂົ້າຮ່ວມ ການແລກປ່ຽນຍັງນ້ອຍຫຼາຍເມື່ອທຽບໃສ່ມະຫາວິທະຍາໄລອື່ນໆໃນພາກພື້ນ.
ທີ່ຜ່ານມາການສົ່ງນັກສຶກສາເຂົ້າຮ່ວມການແລກປ່ຽນແມ່ນເຮັດໄດ້ສະເພາະມະຫາວິທະຍາໄລເຈົ້າພາບ ຫຼື ມີອົງກອນ ໃດໜຶ່ງໃຫ້ທຶນ 100% ແກ່ນັກສຶກສາ.
ນັບແຕ່ການສ້າງຕັ້ງ ມະຫາວິທະຍາໄລ ສຸພານຸວົງ ໄດ້ຮັບທຶນ ແລະ ສົ່ງນັກສຶກສາໄປຮຽນຕໍ່ຢູ່ຕ່າງປະເທດ ຈຳນວນທັງໝົດ 96 ຄົນ ໃນຈຳນວນນັກສຶກສາເຫຼົ່ານີ້ລ້ວນແລ້ວແຕ່ເປັນນັກສຶກສາທີ່ໄດ້ຮັບທຶນ ຈາກ ສະຖາບັນ ເຈົ້າພາບທັງໝົດ. ລຸ່ມນີ້ແມ່ນລາຍລະອຽດ ຂອງ ນັກສຶກສາ ທີ່ ມະຫາວິທະຍາໄລ ສຸພານຸວົງ ໄດ້ສົ່ງໄປສຶກສາ ຢູ່ຕ່າງປະເທດ:
- ໃນສົກສຶກສາ 2012-2013, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 29 ທຶນ ທີ່ປະເທດ ສສ. ຫວຽດນາມ;
- ໃນສົກສຶກສາ 2013-2014, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 13 ທຶນ ທີ່ປະເທດ ສສ.ຫວຽດນາມ;
- ໃນສົກສຶກສາ 204-2015, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 6 ທຶນ ທີ່ປະເທດ ສສ.ຫວຽດນາມ;
- ໃນສົກສຶກສາ 2015-2016, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 5 ທຶນ ທີ່ປະເທດ ສສ.ຫວຽດນາມ;
- ໃນສົກສຶກສາ 2016-2017, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 6 ທຶນ ທີ່ປະເທດ ສສ.ຫວຽດນາມ;
- ໃນສົກສຶກສາ 2017-2018, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 18 ທຶນ ທີ່ປະເທດ ສສ.ຫວຽດນາມ;
- ໃນສົກສຶກສາ 2019-2020, ໄດ້ຮັບທຶນການສຶກສາລະດັບປະລິນຍາຕີໃນຈຳນວນ 19 ທຶນ ທີ່ມະຫາວິທະຍາໄລ ເຕັກໂນໂລຊີຊຽງໄຮ, ສປ. ຈິນ.