ໃນວັນທີ 10 ກໍລະກົດ 2024, ໃນເວລາ 10:00 ໂມງເຊົ້າ. ທີ່ຫ້ອງປະຊຸມຊັ້ນ 2, ຕຶກສໍານັກງານອະທິການບໍດີ, ມະຫາວິທະຍາໄລສຸພານຸວົງ ໄດ້ມີຕົວແທນຈາກສະມາຄົມເຄືອຂ່າຍອາຊີປາຊີຟິກ ປະເທດ ມາເລເຊຍ (APAN Malaysia) ຈຳນວນ 10 ທ່ານ, ໄດ້ມາຢ້ຽມຢາມ ມະຫາວິທະຍາໄລ ສຸພານຸວົງ, ຈຸດປະສົງເພື່ອປຶກສາຫາລືຄວາມເປັນໄປໄດ້ໃນ ການຮ່ວມມືກັບ ມສ ໃນຂົງເຂດການວິໄຈ, ການພັດທະນາ, ຄວາມຄືບໜ້າຂອງເທັກໂນໂລຊີການສື່ສານ ແລະ ອຸດສາຫະກຳຂໍ້ມູນຂ່າວສານ ແລະ ເພື່ອພັດທະນາໂຄງການທັດສະນະສຶກສາສໍາລັບນັກສຶກສາ, ທາງສະມາຄົມເຄືອຂ່າຍອາຊີປາຊີຟິກ ປະເທດ ມາເລເຊຍມີຈຸດປະສົງ ນໍາເອົານັກສຶກສາຈາກ ສປ ຈີນ ມາທັດສະນະສຶກສາຢູ່ ມະຫາວິທະຍາໄລ ສຸພານຸວົງ. ເປັນກຽດເຂົ້າຮ່ວມໂດຍ ທ່ານ ຮສ.ປອ. ວົງປະສິດ ຈັນທະຄູນ ຮອງອະທິການບໍດີ, ມສ. ຄະນະນຳຜູ້ບໍລິຫານການສຶກສາ, ຄະນະຜູ້ແທນທັງສອງຝ່າຍ ເຂົ້າຮ່ວມ
ສະມາຄົມເຄືອຂ່າຍອາຊີປາຊີຟິກ ປະເທດ ມາເລເຊຍ (APAN Malaysia) ຈຳນວນ 10 ທ່ານ, ໄດ້ມາຢ້ຽມຢາມ ມະຫາວິທະຍາໄລ ສຸພານຸວົງ,
