ໃນວັນທີ 11 ມັງກອນ 2024 ທີ່ຜ່ານມາ ມະຫາວິທະຍາໄລ ສຸພານຸວົງ ພ້ອມດ້ວຍຄູ່ຮ່ວມໂຄງການ ອາກຼີແຊັດ (AGRISAT) ໄດ້ຈັດກອງປະຊຸມເຜີຍແຜ່ ຜົນຂອງການຈັດຕັ້ງປະຕິບັດຂອງໂຄງການຂຶ້ນ ຢູ່ທີ່ຫ້ອງປະຊຸມໂຮງແຮມວັງທອງ, ນະຄອນຫຼວງພະບາງ, ໂດຍການໃຫ້ກຽດເປັນປະທານຂອງ ທ່ານ ຮອງສາດສະດາຈານ ປະລິນຍາເອກ ວົງປະສິດ ຈັນທະຄູນ ຮອງອະທິການບໍດີ ມະຫາວິທະຍາໄລສຸພານຸວົງ ທັງເປັນປະທານປະສານງານໂຄງການ. ໂດຍມີຜູ້ເຂົ້າຮ່ວມ 60 ກວ່າທ່ານ ທີ່ມາຈາກບັນດາຄູ່ຮ່ວມໃນປະເທດເອີຣົບ (Belguim, Germany, Poland, Spain, Coatia), ພາກສ່ວນຈາກປະເທດກຳປູເຈຍມີ 3 ມະຫາວິທະຍາໄລ, ແລະ ສປປ ລາວ ມີ 2 ມະຫາວິທະຍາໄລ ພ້ອມດ້ວຍແຂກທີ່ຖືກເຊີນ ຈາກພາກລັດ ແລະ ເອກະຊົນ ລວມທັງນັກສຶກສາຄະນະກະເສດສາດ ແລະ ຊັບພະຍາກອນປ່າໄມ້ເຂົ້າຮ່ວມຢ່າງພ້ອມພຽງ. ໂດຍໂຄງການດັ່ງກ່າວແມ່ນມຸ່ງເນັ້ນກ່ຽວກັບການພັດທະນາຫຼັກສູດນະວັດຕະກຳການກະເສດທັນສະໄໝ ຜ່ານລະບົບຂໍ້ມູນຂ່າວສານທາງພູມສາດ (ການນຳໃຊ້ໂດຣນສຳຫຼວດ) ໃນພາກພື້ນອາຊີ ຕາເວັນອອກສ່ຽງໃຕ້ ສຳລັບສະຖາບັນການສຶກສາຊັ້ນສູງ ໃນ ສປປ. ລາວ, ກຳປູເຈຍ ແລະ ມຽນມາ. ໃນກອງປະຊຸມທ່ານ ຮອງສາດສະດາຈານ ປະລິນຍາເອກ ວົງປະສິດ ຈັນທະຄູນ ໄດ້ກ່າວເປີດພິທີຢ່າງເປັນທາງການ ແລະ ໄດ້ລາຍງານໂດຍຫຍໍ້ກ່ຽວກັບໂຄງການ ໂດຍໃຫ້ຮູ້ວ່າ:
ໂຄງການ ອາກຼີເເຊັດ (AgriSAT Project) ເປັນໂຄງການທີ່ໄດ້ຮັບທຶນການສະໝັບສະໜູນ ຈາກ Erasmus+ Programme (ອີຣາດມຸດພລັດ ໂປຼແກຼມ) ຂອງສະຫະພາບເອີຣົບ.
ໂຄງການດັ່ງກ່າວໄດ້ສະໜອງເຄື່ອງອຸປະກອນດ້ານການກະສິກໍາທັນສະໄໝ ເພື່ອສ້າງເປັນຫ້ອງວິເຄາະເຕັກໂນໂລຊີຂໍ້ມຸນຂ່າວສານທາງພູມສາດ (GIS and Remote Sensing Laboratory) ສຳລັບບັນດາມະຫາວິທະຍາໄລຄູ່ຮ່ວມໃນອາຊີ ແລະ ໄດ້ຈັດການຝຶກອົບຮົມວິຊາສະເພາະທາງວິຊາການ ຈຳນວນ 7 ຄັ້ງ ເພື່ອພັດທະນາຄວາມຮູ້ຄວາມສາມາດໃຫ້ແກ່ມະຫາວິທະຍາໄລຄູ່ຮ່ວມໃນອາຊີ ໃນການພັດທະນາຫຼັກສູດນະວັດຕະກຳດ້ານການກະເສດທັນສະໄໝ ທີ່ຕິດພັນກັບວຽກງານການສຶກສາຊັ້ນສູງ ເຊິ່ງແຕ່ລະມະຫາວິທະຍາໄລຄູ່ຮ່ວມໃນອາຊີ ໄດ້ສຳເລັດການພັດທະນາຫຼັກສູດນະວັດຕະກຳ ການກະເສດທີ່ທັນສະໄໝ ຈຳນວນ 8 ວິຊາ ເພື່ອປະກອບເຂົ້າໃນຫຼັກສູດການຮຽນ-ການສອນພາຍໃນຕໍ່ໜ້າ.
ນອກຈາກນັ້ນ, ໂຄງການອາກຼີເເຊັດ ຍັງໄດ້ມີການພັດທະນາຫຼັກສູດການຮຽນອອນລາຍ ໄລຍະສັ້ນ ຈຳນວນ 3 ວິຊາ ເພື່ອຍົກສູງຄວາມຮູ້ ຄວາມສາມາດໃຫ້ແກ່ພະນັກງານອາຈານ ແລະ ນັກສຶກສາ ຄະນະກະເສດສາດ ແລະ ຊັບພະຍາກອນປ່າໄມ້ ມະຫາວິທະຍາໄລສຸພານຸວົງ ໄດ້ເຂົ້າຮຽນຮູ້ ແລະ ໃຫ້ມີຄວາມສາມາດສ້າງແຜນທຸລະກິດກະສິກຳຂອງຕົນເອງໃນລະດັບຂັ້ນຕົ້ນ.
ກອງປະຊຸມຂອງໂຄງການ ອາກຼີເເຊັດ ຍັງໄດ້ມີີການວາງແຜນ ແລະ ປຶກສາຫາລືກັນກ່ຽວກັບແຜນຍຸດທະສາດໃນການຜັນຂະຫຍາຍຜົນສຳເລັດການຈັດຕັ້ງປະຕິບັດໂຄງການເພື່ອໃຫ້ມີຄວາມຍືນຍົງ ໃນສະຖາບັນການສຶກສາຊັ້ນສູງ, ລະດັບທ້ອງຖິ່ນ ແລະ
ມະຫາວິທະຍາໄລ ສຸພານຸວົງ ພ້ອມດ້ວຍຄູ່ຮ່ວມໂຄງການ ອາກຼີແຊັດ (AGRISAT) ໄດ້ຈັດກອງປະຊຸມເຜີຍແຜ່ ຜົນຂອງການຈັດຕັ້ງປະຕິບັດຂອງໂຄງການ
