ຜົນສຳເລັດຄັ້ງທຳອິດຂອງການຮ່ວມມືທາງວິຊາການ ແລະ ວິທະຍາສາດ ລະຫວ່າງ ມະຫາວິທະຍາໄລ ສຸພານຸວົງ ແລະ ມະຫາວິທະຍາໄລ ຕວກ
ອານຸສິດ ວັນນະຜົນ, ມະຫາວິທະຍາໄລ ສຸພານຸວົງ
Marc Desmet, ມະຫາວິທະຍາໄລ ຕວກ
ກອບການຮ່ວມມືລະຫວ່າງ ມະຫາວິທະຍາໄລ ສຸພານຸວົງ ແລະ ມະຫາວິທະຍາໄລ ຕວກ
ມະຫາວິທະຍາໄລ ຕວກ ແລະ ມະຫາວິທະຍາໄລ ສຸພານຸວົງ ໄດ້ລົງນາມໃນກອບຂໍ້ຕົກລົງຮ່ວມມື ແລະ ໂຄງການ Dear Water ຢູ່ແຂວງຫຼວງພະບາງ ກໍເປັນສ່ວນໜຶ່ງໃນນັ້ນ ແລະ ເປັນຄັ້ງທຳອິດທີ່ສອງສະຖານບັນສະຖາບັນການສຶກສາ ແລະ ຄົ້ນຄວ້າຊັ້ນສູງ ຂອງປະເທດລາວ ແລະ ປະເທດຝຣັ່ງ ,ການຮ່ວມືໃນຄັ້ງນີ້ ມັນເປັນຂະບວນການຮ່ວມມືໃນໄລຍະຍາວ ນັບຕັ້ງແຕ່ມີແນວຄວາມຄິດດັ່ງກ່າວໄດ້ເກີດຂື້ນ ໃນທາມກາງໂລກລະບາດ.
ທ່ານ ຮອງສາດສະດາຈານ ວິໄຊ ຈັນສະຫວ່າງ † ອາດີດອະທິການບໍດີ ມະຫາວິທະຍາໄລ ສຸພານຸວົງ 2023 ທ່ານໄດ້ເຮັດວຽກຢ່າງໜັກເພື່ອການຮ່ວມືທາງດ້ານວິຊການໃນຄັ້ງນີ້, ພວກເຮົາຮູ້ສຶກສະແດງຄວາມຮູ້ບຸນຄຸນເປັນຢ່າງສູງຕໍ່ທ່ານ ແລະ ທີມງານຂອງມະຫາວິທະຍາໄລ ສຸພານຸວົງ ທີ່ຮັບຜິດຊອບວຽກງານການຮ່ວມມືຕ່າງປະເທດ, ທີ່ສາມາດສຳເລັດການເຊັນ ບົດບັນທຶກຄວາມເຂົ້້າໃຈ ທີ່ໄດ້ຈັດຂື້ນໃນປີ 2024.
ໂຄງການ ການຮ່ວມືທາງດ້ານການຈັດການນ້ຳໃນພາກສະໜາມ
ຂໍຕົກລົງການຮ່ວມືດັ່ງກ່າວມາຂ້າງເທິງແມ່ນມີເປົ້າໝາຍເພື່ອ ເສີມສ້າງຂີດຄວາມສາມາດຂອງ ມະຫາວິທະຍາໄລ ສຸພານຸວົງ ໃນດ້ານ ການຈັດການນ້ຳ ແລະ ສິ່ງແວດລ້ອມ ໂດຍທົ່ວໄປ ປະຈຸບັນໄດ້ມິ ອາຈານ, ນັກຄົ້ນຄວ້າວິໄຈ ແລະ ນັກສຶກສາ ທີ່ໄດ້ຮັບການຝຶກອົບຮົມ ຄວາມທ້າທ້າຍທາງດ້ານ ການຈັດການຊັບພະຍາກອນ້ຳ, ເຖິງແນວໃດກໍ່ຕາມຍັງມີຄວາມຕ້ອງການຢ່າງຫຼວງຫຼາຍ ໂດຍສະເພາະຢ່າງຍິງໃນສ່ວນການປ່ຽນແປງສະພາບດິນຟ້າອາກາດ ແລະ ຜົນກະທົບຂອງມະນຸດສ້າງຂື້ນ ເຊິງສົ່ງຜົນເຮັດໃຫ້ເກີດຊ່ວງທີ່ນ້ຳແຫ້ງ ແລະ ໄພແລ້ງຂັ້ນວິກິດ.
ຄະນະກະເສດສາດ ແລະ ຊັບພະຍາກອນປ່າໄມ້, ຄະນະບໍດີ ທ່ານ ປອ ວົງປະສິດ ຈັນທະຄູນ (ຮູບພາບທີ2) ແລະ ປທ ອານຸສິດ ວັນນະຜົນ (ຮູບພາບທີ3) ອາຈານປະຈຳຄະນະນີ້ ມີສ່ວນຮ່ວຢ່າງຫຼວງຫຼາຍ ເພື່ອໃຫ້ແນ່ໃຈວ່າ ມະຫາວິທະຍາໄລ ຕວກ ຈະສາມາດຊ່ວຍເຫຼືອພວກເຂົາ ໃນການສ້າງແຜນການສອນ ແລະ ຫ້ອງທົດລອງສະເພາະດ້ານວິສະວະກຳສິ່ງແວດລ້ອມທາງນ້ຳ.
ການວິເຄາະຄຸນນະພາບນ້ຳໃນຫ້ອງລະບາຍນ້ຳໃນເມືອງ
ເມືອງຫຼວງພະບາງ ປ່ອຍນ້ຳເປື້ອນອອກສູ່ສິ່ງແວດລ້ອມທາງທຳມະຊາດ ນ້ຳເປື້ອນທັງໝົດພາຍໃນເມືອງ ແລະ ຈາກອຸດສາຫະກຳຕ່າງໆ ຈຶ່ງໄຫຼລົງສູ່ແມ່ນຂອງໂດຍກົງ ໂດຍບໍ່ມີການບຳບັດໃດໆ ເຖິງຢ່າງໃດກໍ່ຕາມ ການມີບໍ່ນ້ຳຈຳນວນຫຼາຍ ເຮັດໃຫ້ສາມາດກຳຈັດຜົນກະທົບຂອງມົນລະພິດນີ້ໄດ້ພຽງເລັກໜ້ອຍ(ຮູບພາບທີ 4).
ການເດີນນທາງລົງຕິດຕາມກວດກາ ຮ່ວມກັນລະຫວ່າງ ມະຫາວິທະຍາໄລ ຝຣັ່ງເສດ ແລະ ລາວທັງສອງແຫຼ່ງເຮັດໃຫ້ສາມາດປະເມີນແຫຼ່ງທີ່ມາ ແລະ ລະດັບມົນລະຜິດໃນຮ່ອງລະບາຍນ້ຳໃນເມືອງ ໂດຍສ່ວນໃຫ່ຍແມ່ນຢູ່ໃນບ້ານ ມະໂນ.
ສະຫລຸບໄດ້ວ່າໂຄງການກໍ່ສ້າງທີ່ດຳເນີນໃນຊ່ວງປີ 2010 ເພື່່ອສົ່ງນ້ຳທີ່ເປີເປື້ອນ ໄປສູ່ແມ່ນ້ຳຂອງ ນັ້້ນຈະໜ້າສົນໃຈ ແລະ ມີປະສິດທິພາບ ກໍ່ຕໍ່ເມືອມີການລວບລວມ ແລະ ບຳບັດນ້ຳກ່ອນປ່ອຍອອກສູ່ສິ່ງແວດລ້ອມທາງທຳມະຊາດ.
ໃນອ່າງໂຕງສາຍນ້ຳດົງ ມີຫຼັກຖານວ່າ ລະດັບຄວາມຄອຍຊັນລະຫວ່າງ ສະຖານີນ້ຳດົງ ກັບຈຸດບ່ອນນ້ຳໄຫຼອອກສູ່ແມ່ນ້ຳຂອງ (ຮູບພາບທີ5), ດັ່ງນັ້ນຄວາມເຂັ້ມຂຸ້ນຂອງຈຸລິນຊີຈຶ່ງຕຳກວ່າຂອງ ບ້ານມະໂນ ໂດຍສະເລ່ຍ 10 ເທົ່າ, ການໄຫຼຂອງນ້ຳທຳມະຊາດຊ່ວຍລົດລະດັບແບັກເທີເລຍ ໃນອາຈົມໄດ້ຢ່າງຫຼວງຫຼາຍ ແຕ່ການສັງເກດເບື້ອງຕົ້ນເຫຼົານີ້ຄວນໄດ້ຮັບ ການປະຕິບັດໂດຍຄວາມລະມັດລະວັງ.
ໃນສ່ວນຂອງ ນ້ຳປະປາທີ່ໃຊ້ໃນບ້ານເຮືອນນັ້ນ ຄວນສັງເກດວ່າ ນ້ຳປະປາໃຫ້ຄ່າສູງ ເຖິງວ່າມີການບຳບັດໃນສະຖານີສູບນ້ຳຈາກນ້ຳຄານກໍ່ຕາມ ເບີ່ງຄືວ່າເຂື່ອຄາຍນ້ຳປະປາ ຈະມີຜົນຈາກແຜ່ນຊີວະພາບທີ່ຕິດຕັ້ງໃນທໍ່ກະຈາຍນ້ຳ.
ນ້ຳຊົນລະປະທານ ທີ່ໄດ້ມາຈາກຊັ້ນຫິນອຸ້ມນ້ຳ ຍັງສອດຄອງກັບຄ່ານ້ຳໃຕ້ດິນຂອງຊັ້ນຫິນອຸ້ມນ້ຳ ການບຳບັດໃນທ້ອງຖິ່ນ ຍັງຄົງເປັນແນວທາງປະຕິບັດທີ່ມີປະສິດທິພາບສູງສຸດ ໃນການຄວບຄຸມ ແລະ ກຳຈັດເເບັກເທີເລຍໃນນ້ຳໃນເຮືອນ.
ເຂດຍອດນ້ຳ (ຕົ້ນນ້ຳຂອງແມ່ນນ້ຳຄານ) ເປັນຫົວຂໍ້ສຶກສາສະເພາະ ທີ່ກ່ຽວຂ້ອງກັບປະສິດທິພາບຂອງໂຕຕອງ ທີ່ມີຈຸດປະສົງເພື່ອເຮັດໃຫ້ນ້ຳອອກບໍ່ ຫຼື ນ້ຳໃນແມ່ນ້ຳສາມາດດື່ມໄດ້ (ຮູບທີ 6 ແລະ 7) ການວັດກິດຈະກຳທາງຈຸລິນຊີວິທຳທະຍາ ຖຶກຈັດຕັ້ງປະຕິບັດກ່ອນ ແລະ ຫຼັງ ການກັນຕອງພາຍໃຕສະພາບແວດລ້ອມຕົວຈິງ ແລະ ບໍ່ມີການກຽມການສະເພາະໃດໆ ປະລິມາແບັກເຕີເລຍທັງໝົດລຸດລົງ 50 ເທົ່າ ໃນກໍລະນີໜຶ່ງ (ເຄື່ອງຕອງນ້ຳ Orisa filtering) ແລະ ລົດລົງ 8 ເທົ່າ ໃນກໍລະນີອື່ນ (ອຸປະກອນ Soap4life)
ການຝຶກອົບຮົມໂດຍຜ່ານການຄົ້ນຄວ້າວິໄຈ ແລະ ເພື່ອການຄົ້ນຄວ້າວິໄຈ.
ການສອນ ແລະ ການສອນໃນຮ່ວມແບບການໃຫ້ຄຳປຶກສາຕົວຕໍ່ຕົວ ຢູ່ທີ່ມະຫາວິທະຍາໄລ ສຸພານຸວົງ ໃນດ້ານອຸທົກວິທະຍາ ຖຶກເປັນຄວາມທ້າທ້າຍທີ່ສຳຄັນ ເນື່ອງຈາກພວກເຮົາຄາດຫວັງວ່າ ມະຫາວິທະຍາໄລ ສຸພານຸວົງຈະສາມາດດຳເນີໂຄງການຂອງຕົນເອງກ່ຽວກັບ ການຈັດການນ້ຳ ແລະ ສິ່ງແວດລ້ອມ ໄດ້ສະຖາບັນການສຶກສາ ແລະ ການວິໄຈ ແຫ່ງນີ້ຈະສາມາດເຜີຍເເຜ່ ຄວາມຮູ້ທາງດ້ານວິທະຍາສາດ ກ່ຽວກັບ ອຸທົກວິທະຍາສາດ ໄດ້.
ຕົວຢ່າງເຊັນ ນັກສຶກສາຝຶກງານຈາກ ມະຫາວິທະຍາໄລ ຕວກ ແລະ ຜູ້ບັນຍາຍຈາກ ມະຫາວິທະຍາໄລ ສຸພານຸວົງ ທີ່ຜ່ານການຝຶກອົບຮົມ ດ້ານວິສະວະກຳສິ່ງແວດລ້ອມທາງນ້ຳ, ເປັນຄູຝຶກໃນປີ 2023 ໃຫ້ກັບ ຫ້ອງການບໍລິຫານ ແລະ ພັດທະນາຕົວເມືອງ ນະຄອນຫຼວງພະບາງ ເພື່ອພັດທະນາຫ້ອງປະຕິບັດການວິເຄາະນ້ຳເສຍ (ຮູບພາບທີ 8) ແລະ ພວກເຂົາຍັງໄດ້ຈັດການຝຶກອົບຮົມພາກສະໜາມໃຫ້ກັບນັກສຶກສາຄົນລາວ ແລະ ນັກສຶກສາຕ່າງປະເທດທີ່ມາຍ້ຽມຍາມ ມະຫາວິທະຍາໄລ ສຸພານຸວົງດ້ວຍ (ຮູບພາບທີ 9).
ຂັ້ນຕອນຕໍ່ໄປຂອງໂຄງການຮ່ວມຂອງພວກເຮົາຄືການຈັດ ຝຶກອົບຮົມກ່ຽວກັບບັນຫານ້ຳປະຈຳປີ ຈຸດປະສົງເພື່ອໃຫ້ແນ່ໄຈວ່າ ອາຈານ ແລະ ນັກວິໄຈຊາວລາວ ສາມາດຝຶກອົບຮົມນັກສຶກສາຂອງຕົນເອງໄດ້ເມື່ອສິນສຸດໂຄງການໃນປີ 2027.
ຂໍສະແດງຄວາມຮູ້ບຸນຄຸນ
ໂຄງການນີ້ແມ່ນໄດ້ຮັບທຶນຈາກອົງການພັດທະນາຂອງປະເທດຝຮັ່ງເສດ ແລະ ມະຫາວິທະຍໄລ ຕວກ.
ພວກເຮົາຂໍສະແດງຄວາມຮູ້ບຸນຄຸນຢ່າງສູງມາຍັງ Region Center Val de Loire, CONFLUENCE, GRET, Loire Bretagne Water Agency ແລະ ສະຖານທູດຝຣັ່ງເສດ ໃນນະຄອນຫລວງວຽງຈັນ ສປປ ລາວ ສຳລັບການສະໜັບສະໜູນ ແລະ ການຮ່ວມມື ແລະ ມະຫາວິທະຍາໄລ ສຸພານຸວົງ.
